Tjaldsvæði bæjarins er staðsett í miðbænum við torgið og smábátabryggjuna. Öll þjónusta, afþreying og söfn eru í 5–10 mínútna göngufæri. Fjallasýn er mjög falleg. Sunnan við snjóflóðavarnagarðinn (Stóra bola) er annað svæði fyrir þá sem kjósa ró og frið og þaðan er stutt á golfvöllinn, í hesthúsabyggð og fuglavarp. Um 10 mínútna gangur er niður í miðbæ.
Ýmsir viðburðir eru skipulagðir á svæðinu í sumar og þar má nefna:
10.–11. júní Sjómannadagshátíð
23. – 24. júní Blúshátíð í Ólafsfirði.
5.– 9. júlí Þjóðlagahátíð
29.–30. júlí Trilludagar – Fjölskyldudagar á Siglufirði
4. – 7. ágúst Síldarævintýri á Siglufirði – Fjölskylduhátíð um verslunarmannahelgina
11.– 12. ágúst Pæjumót í knattspyrnu
17.– 20. ágúst Berjadagar – klassísk tónlistarhátíð í Ólafsfirði
Stutt er í gönguferðir fyrir fjallagarpa, fjölbreyttar gönguleiðir. Nánari upplýsingar eru á: www.fjallabyggd.is og www.visittrollaskagi.is
ATHUGIÐ að Útilegukortið gildir ekki á Síldarævintýri á 4. – 7. ágúst